震撼

5月6日真是個大日子，適逢佛誕，又是阿仔首次參加劍擊比賽，真是令人期待的日子， 是曰一早出車去拜神浴佛，由於要睇住部車，媽咪同阿仔先去浴佛先，我殿後，没有這個影相佬，無阿仔浴佛的莊嚴相，輪到我啦，先發現忘記帶劍擊裝備，拜完神後即刻返家攞袋……

去玩的時間又少了半粒鐘，開車要揸返快少少，阿仔真係巧鐘意羊仔，一去到白鷺湖第一時間找羊仔

聽阿仔扮羊咩咩聲，真係巧爽

真係唔夠時間，一到11点餐廳開門，媽咪拿拿林先去叫定嘢食，食物到咗先叫阿仔到場

食完未坐夠就要鬆人，車程中阿仔瞓咗45分鐘瞓醒大变身，公公先同泓智仔，媽咪去劍擊中心，我去泊車，媽咪打比我叫我快啲，話好多人喎

越急越覺耐，停車埸由5楼搵到7楼，連行帶跑去到目的地，嘩……咁多人
，要搵個地方企吓

未到阿仔出場，阿仔巧肉緊咁睇其他師兄師姐比賽，我都太投入睇表演，比其他家長叫醒，啲家長大叫比賽中的孩子向前做乜向後，用劍賜佢啦，聲調係鬧，有啲鬧到喊晒，我聽見都覺有壓力呢！

阿仔出黎見下世面，放眼睇吓其他父母幾咁嚴厲，爸爸媽媽真係巧寛鬆，只要俾心机就得喇，爸爸真係巧佩服那些緊張孩子的父母，最怕果啲成日係屋企对住四幅牆就話我家王子公主最最最叻，咁我真係有幸係劍擊班認識到一班讀聖保羅男女，聖保祿，高主教，華仁的緊張大師家長，他們的子女真係真係不得了不得鳥囉……

阿仔俾心机學，期待下次的比賽哦。