感激

感激老天爺安排我一家人這一年多以來在爺爺嫲嫲家中度過，2013年12月28日，爺爺突然地往生，碰巧當時已報名參加大阪5天團在1月25日出發，其實边有心情去玩吖，加上嫲嫲情緒不好，身體出現狀況，又要入院，住了5天，結果要安排4月25日做手術，仲有心情去玩？？

奇蹟，真係聞所未聞，日本團居然唔成，退回了團費，真係開心到不得了，亦感謝老天爺作主。

往後的日子，陪嫲嫲覆診，照顧佢，我同佢講，你㗎福報真大，我結婚前已經離開你哋，好少好少返黎，一年無幾日，今次我哋一家人黎陪你，你福報真大囉！這些都叫安慰說話吧，等佢心情輕鬆面對手術。

真係要輕鬆吓，去屯門黄金海岸酒店住返晚都巧開心，巧輕鬆，巧滿足，不過泓智仔話1晚咁少？要5日，阿仔，去旅行要問過師父先，"俾“我哋先可以去嗎，今次由媽咪問師父，我係街等結果，我估今次應該俾，一見媽咪開心樣，大阪，我哋黎嚕，報完名，諗諗下真係想去多轉日本，問題係又要問師父，算吧啦，某天楂車送阿仔返學，阿仔話想去10日日本，我話咁耐？報咗團5日咋喎，阿仔話咁去完5日返黎香港探探同學再去日本，嘩……我即去問師父，九州，我哋來嚕！

"搬“係時候搬家了，暫時先租，老天爺作主安排一間好屋俾我哋，我哋又住旺屋主間屋，現等待貴人幫手喇。

思想錯亂

真係唔好以為一年級補習，就是因為幼稚園底子差，一年級補習，就是因為讀書屎！有這種念頭的人，真係思想錯亂，說這話的人，認為世界只有自己，只認定只有自己仔女最叻，乜都唔須要補，因為“叻“ ……

見下世面，增加自已知識係非常好的，好似識下其它學校的教育方式，就會改變自己念頭，就例如，一個女孩，幼稚園讀聖保祿，一年級一樣讀聖保祿，每日放學補習，星期六、日就專科中、英、數、英語會話、普通話、鋼琴，樹琴，劍擊，另一男孩，幼稚園讀高主教，小學又係高主教，一個讀蘇浙幼稚園，小學直上蘇小，補習多攞攞，唔通她/他們都係好屎？敬請留意一下小學排名，唔好用排名幾百㗎小學學習方式去話、去睇小那些讀排名50内名校學生的努力付出，如果你家男孩讀男拔，女孩讀女拔，我就佩服得五體投地，我相信如果有咁誇，她/他們一定補習補到天昏地暗

阿仔，你學校真係已經好鬆喇，聖保祿小學每3個月就要填讀過啲乜校外課程，唔掛得全港小學排名咁高喇，俾心机，人家放學icu，你就背書，人家瞓晏覺，你就操卷，等！將來一定有分別，大家努力，媽媽就負責同你拎野，爸爸就係街等你放學，熱到幾乎中暑，我地一家人的付出，係唔會白費㗎！