等到喇

由2013年12月2日報名，2014年1日25日出發大阪5天團唔成，到退回全炮錢

一直等等等，用了忍耐及恆心，其實乜都無必要做，只要"等”，俾耐性，終歸等到，今晚5月12日終於報咗名，7月26号出發，一樣的團号，但行程更正哦，飛走清水寺，改親子"自製章魚燒DIY體驗，又飛走啲觀光行程改Kiddy Land同Outlet購物，行程更適合泓智仔，真係越遲越等到荀嘢，唔通去日本仲係爸爸媽媽夢想咩，最緊要阿仔玩得開心耶！

震撼

5月6日真是個大日子，適逢佛誕，又是阿仔首次參加劍擊比賽，真是令人期待的日子， 是曰一早出車去拜神浴佛，由於要睇住部車，媽咪同阿仔先去浴佛先，我殿後，没有這個影相佬，無阿仔浴佛的莊嚴相，輪到我啦，先發現忘記帶劍擊裝備，拜完神後即刻返家攞袋……

去玩的時間又少了半粒鐘，開車要揸返快少少，阿仔真係巧鐘意羊仔，一去到白鷺湖第一時間找羊仔

聽阿仔扮羊咩咩聲，真係巧爽

真係唔夠時間，一到11点餐廳開門，媽咪拿拿林先去叫定嘢食，食物到咗先叫阿仔到場

食完未坐夠就要鬆人，車程中阿仔瞓咗45分鐘瞓醒大变身，公公先同泓智仔，媽咪去劍擊中心，我去泊車，媽咪打比我叫我快啲，話好多人喎

越急越覺耐，停車埸由5楼搵到7楼，連行帶跑去到目的地，嘩……咁多人
，要搵個地方企吓

未到阿仔出場，阿仔巧肉緊咁睇其他師兄師姐比賽，我都太投入睇表演，比其他家長叫醒，啲家長大叫比賽中的孩子向前做乜向後，用劍賜佢啦，聲調係鬧，有啲鬧到喊晒，我聽見都覺有壓力呢！

阿仔出黎見下世面，放眼睇吓其他父母幾咁嚴厲，爸爸媽媽真係巧寛鬆，只要俾心机就得喇，爸爸真係巧佩服那些緊張孩子的父母，最怕果啲成日係屋企对住四幅牆就話我家王子公主最最最叻，咁我真係有幸係劍擊班認識到一班讀聖保羅男女，聖保祿，高主教，華仁的緊張大師家長，他們的子女真係真係不得了不得鳥囉……

阿仔俾心机學，期待下次的比賽哦。

忙甩轆

今日特別攰，真係放假仲忙過返工，一早開車到繁忙的湾仔，唔好以為周日條街就冷清清，一早已經幾咁多車等錶位，落親車都係啲家長拖住細路拎注的乜乜公司嘜頭的中文、英文科袋，去返唔同學科，有啲7、8歲細路就著晒全套拳擊衫，勁。

是日好彩，8点50分搵到個錶位

送完阿仔返中文班，有1小時30分空檔時間，搭地鉄去佐敦搵明星醫生

配定幾隻藥以防萬一

攞完藥趕返湾仔接仔放學，媽咪就先去酒樓等位飲茶

嘆咗個幾鐘就急急腳鬆人，返阿仔期待已久的木琴班

一陣就半粒鐘，老師話睇睇可唔可以安排多15分鐘出黎，嘩……如果可以的話，要改學中文時間！仲有2個幾鐘先返劍擊，去公園鬆一鬆

鬆完返劍擊途中泓智仔瞓咗幾分鐘，是日落雨，用有4個轆新袋極方便，阿仔可以幫媽咪手~推哦

爸爸就係街等阿仔個半鐘

木片琴

2個月前阿仔突然話想學木琴，嘩、唔係化，我心諗仲边攝到時間學吖……媽咪今日搵到逢星期日12点半至1点有位可以學，噢！一早去完湾仔學中文，之後又要去學木琴，再返劍擊，真係連果幾個鐘輕鬆玩㗎時間都無，諗還諗，位得一個，边有考慮時間，点都要留住個位先，今晚拾点前報名，這夜等阿仔放補習特別耐，等到8点，即刻趕去參觀部木琴，阿仔開心到不得鳥，跑咗幾轉睇部木琴，爸爸真係唔啱，仲擔心你無時間去玩，其實最想玩果個係我，不過係你要學㗎嘢点都會學，阿仔5月4日願望達成，返木琴班，爸爸媽媽希望你係木琴演奏有出色的表現。