國畫一級水平

今年已過咗㗎暑假真係好忙，好辛苦，為了考級，要努力練習敲擊樂、鋼琴同國畫，現成績慢慢顯現出來，好似今晚又收到香港考試及評核局，寄來的一級水平考試証書，真係好實在，努力的成果，努力！明年將會更忙，難度將會更高。

皇家敲擊樂5級試

看似破財，唔破財唔會遇到好老師，吃苦在先，咁磨難下都成功，家陣舒服，努力！明年2016年考5級皇家敲擊樂試耶！

喜出望外，咁都考到！

一直諗會考到皇家2級試，無諗過最後4星期，考試歌都未教，老師就跳船，考試場地用电子琴，用电子琴考aural同伴奏，完全聽唔清高低音大細聲，係咁㗎情況下都可以考到109分，真係感恩

3年級作文要求

聽泓智媽講出席家長會，學校对學生中文作文要求……如:作者寫弟弟得到冠軍在台上感謝姊姊用心教導、指点等那些感動說話，作者哭了，所以作文要<歡喜中都要有淚>，又例如描述旅行，不必一定寫美國、法國，長洲都可以，但要寫重点，寫張保仔，定必高分，老師要求學生不要每日只在家中做習作，不停溫書，要出去走走留意身邊事物，因為有次作文考試講纜車，那學生描述纜車由維園去九龍……錯晒

噢！同泓智媽講，我如去長洲只去廟，可唔可以寫:
功課多忙碌，讀書多麼的辛苦，都要抽丁点時間往外走走，吸一下子新鮮空氣，又想看海，去長洲吧，
在長洲，走着走着見到一間很舊的廟，去看看，看見一位老太婆跪在地下，叩着頭弄到頭破血流，眼淚不停流着，走去跟她說，起來吧，她不情願地被我扶起來，她跟我說老頭子之前病了，痛得求我殺死他，問我那能動得手呵？還說老頭子一直哭着求我，無辦法，我來求菩薩……之後他不知不覺就好起來了，今天我是來感謝菩薩呀！

媽咪，一早我就教阿仔e啲作文㗎喇，可能唔啱學校口味，不過3年級要寫快樂的苦，有些難呵，仲要2、300字，不過有難度先有挑戰，加油喇阿仔。

轉校風雲

自從4月份算命得知阿仔某日子來臨就會出外讀書，雖然這訊息老早從幾個唔同師父口中說出，但今次重聽，感覺只想輕鬆，爸媽真的不想「揍你」讀的咁辛苦，周一至周五由朝到晚已經讀，媽咪逢周六又由朝到晚帶你四圍去再讀、何必咁辛苦呵！就連晚餐出外食餐飯都嘈話搞到無時間練學器，算命後那刻，腦袋只有輕鬆、賴、hea，第2日仲唔拿拿林即刻入紙申請入讀KCIS，佛誕後1日我仲親自上蘇浙国際部一趟，行上那條斜路，那刻不是回味自己行這斜坡10年經驗，而係全身濕透 ，聞着自己的汗臭味！

與學校人員面談了15分鐘，最後拎出支票，她回覆學校無位，一有位即刻打比我再去比錢，期間真的心急到死，滿腦子只有賴、hea，求天求地幫忙，爸媽的人生真的唔想再辛苦，只想嘆。

等KCIS期間，回想當年師父話泓智仔學校唔同我一樣，所以當年考到蘇浙小學都唔讀，讀間排名高的基湾小學，但今次是蘇浙國際部，唔通都係蘇浙所以唔得，8月喇，有些少心急，加上比人勁串，再找找其它小學，完成"賴"的心願。

8月2日，那天同師父講完那條串咀人的衰野後，去朋友介紹讀中文專科的地方，那老闆子女讀深湾道19号維多利亞，無功課，無考試，聽見都正，日日放學可以砌樂高，睇电視，瞓晏覺，反正都去外國，無必要搞到咁辛苦，吃喝玩樂囉，最重要乜都唔洗補習，第2日即刻比晒的料維多利亞，那學校主力劍擊(與現在劍擊學校有聯繫)及敲擊樂，再加上你的成績，点會唔收吖，開心到飛起，可以賴喇。

同師父講轉校，師父問点解要轉校？自己學校無得讀喇，自己學校讀好，無言，阿仔你讀得咁開心，你又唔覺辛苦，爸媽真要懺悔，只想自己舒服。

人生又再積極起來，海綿可以吸好多水，知識慢慢儲起不會浪費，繼續努力。

後記: 朋友話如果讀KCIS、維多利亞，直頭把成績降下來，無得同基湾比，感恩老天爺再次指点無行錯路，感恩！